【本報訊】50多歲的卿姐在葵涌邨居住了三年，她慨嘆在區內搵工十分困難，「職位空缺少，就算有都係散工，要輪班，而且人工又低，20蚊一個鐘，你話點做。」卿姐並不介意跨區工作，但高昂的交通費往往令她卻步，她希望政府將交通費支援計劃擴至葵青區，「幫補幾百蚊都好。」
卿姐失業了兩個多月，失業前在荃灣一間茶餐廳做洗碗，工時每日12小時，體力難以應付，只好辭職。
望區內設就業中心
現時卿姐正積極找工作，但卻處處碰釘，「好多街坊都呻好難搵嘢做，唔單止年紀大嘅人，區內好多年輕人都攞綜援。」她說，自己無兒無女，無工開惟有每月靠1,830元綜援維生，但扣除水、電、煤等開支後，所餘無幾，「平日無娛樂o架，最多留喺屋企睇電視。」
現時卿姐最想盡快找到工作，脫離綜援網，但每次搵工，都要乘車到荃灣勞工處，非常不便，她期望政府可在區內設立勞工處就業中心。