$99快掃　日本糖果內衣

五日假期過了一半，飲飽食醉仲有錢剩不如去Shopping掃貨咁先算得上財散人安樂。廢話不多說，今次又來一個永無買厭的樓上內衣店開倉，搬遷清貨日系內衣全場$99套，同場仲有呢期hit爆的智能胸圍記憶內衣，二話不說一車咁買返屋企！

記者：葉雪芯
攝影：林栢鈞
Model：[email protected]
Makeup&Hair：Phyllis

全場$99一套內衣

開倉主人家LeisureLingerieStore已非第一次減價，今次再減原因，老生常談，就是月尾搬遷決定搵新竇，索性大減益街坊，出招留客！閣下有無心追隨到底悉隨尊便，不過講到有平嘢，精打細算的女士們就梗係不理三七廿一掃咗先講！先講今次開倉價位，原價賣三百幾一套的內衣，今日劈價至一百蚊有找，計番折扣即是二七折，$99拎得走，抵着啦！而且套套由日本空運入口，連本帶料計埋運費，姊妹們都算係買一套賺一套啦！

■粉紅色絹面圓圈圖案內衣
原價$369
二七折$99/套

■粉紫×粉紅橫間毛巾質料內衣
原價$369
二七折$99/套

■黃色心心圖案內衣
原價$369
二七折$99/套

■黑色絨面質料配紅色花邊內衣
原價$369
二七折$99/套

日牌糖果色冧客

我明，我當然明！平嘢無好吖嘛，大家都擔心係咪倉底貨嚟o架！Sosorry，今次通通係2010春夏新季貨。負責人Albert解釋，返晒新季貨才決定搬新竇，所以不如搞一輪開倉清貨方便搬遷，所以通通推晒SS10出來冧客。
講到款式，話明係新季，又順便睇埋呢期日牌內衣Trend。春夏當然不會是黑麻麻的沉色，相反是彩爆的嗒糖般的糖果色當道，看起來開心活潑，人都青春幾年！值得一提的是，這季款式多了一些不同的用料，例如是成熟高貴感較重的絨布料，或者是夏日舒服輕盈的毛巾料，對於女仔來講，年年月月都是Lace棉布質地，好悶囉！唔係只得男人要有新鮮感，各位姊妹們都不如趁平玩玩新意思！

記憶胸圍齊齊減

LeisureLingerieStore主打的另一歐洲牌Lisca，當然都是減價名單的座上客，對於款式無乜要求就不妨諗諗09AWLingeriecollection。所有胸圍和襯褲二折，歐洲靚料，是少有cutting適合亞洲人線條的歐洲牌子。至於近期Hit爆的「智能記憶胸圍」SmartMemoryBra，就減至半價左右，襯褲減至三折，未試過就要趁平入番套追吓潮流喇！