碧咸、朗尼、法比加斯……，季尾接二連三發生名將受傷，唔單止影響個別聯賽嘅爭標形勢，最慘係影響到世界盃嘅可觀性。照睇朗尼、法比加斯未至於好似碧咸咁大遺憾，但大賽前受過傷，唔影響狀態就勢係假。只要細心觀察，大賽前掛彩嘅離唔開兩極化球員，如果唔係狀態最差，就一定係狀態最好，最慘仲要係鬥志最好嘅球員，所以特別令人惋惜。強隊星將去到季尾階段，情況好似揸車咁，越踩油去盡就越危險。
唔知開心定唔開心好，小弟嘅愛隊AC米蘭陣中唔多呢類球員。我唔貪心，由季初至今從唔奢望隊波得到冠軍，如果喺羅馬手上搶番第2位已收貨。今日鬥走晒下坡嘅卡利亞里，多番細哨、派路，幫幫手，贏番場得啩？
藍鑽石
主客和：AC米蘭勝
心得：多番兩件派牌手
近5場往績：LLWWW