相比於昔日嘅波砵，家嘅當然靚好多，好似最近推出以C朗為代言人嘅一對，用上紫色，姣得嚟夠搶，最怕你唔夠膽着！
其實，我呢類70後以前踢波，踢石屎地嘅經驗就一定比家嘅後生仔多，着嘅一定係「白飯魚」，價錢平當然係主要原因，但踢波時嗰種「黏腳」程度，的確非一般波鞋可做到，皆因鞋皮薄，踢起上嚟自然得心應手。其實，着「白飯魚」唔係唔講究o架，都會諗吓「黑底」定「綠底」好呢？
至於今日嘅波友，揀鞋就着重款式，紅色、藍色都唔夠搶，仲要有粉紅色、七彩波砵出現，着上去都幾浮誇，所以就有費Sir唔准年輕球員着彩砵嘅不成文規條。推介方面，博波衫顏色都夠搶嘅櫻花同不死鳥兩隊開「大」。
戰鬥員A
入球大細：大阪櫻花大
心得：兩隊後防皆有漏洞
近5場往績：WLWWW