【絕世奇花1945-2010】狄娜除了被稱為一代奇女子外，她詞鋒銳利，有多本著作問世，臨走時給傳媒的一段話，仍不失雋永深意。由兩位才女白韻琴及林燕妮憶述狄娜往事，可算相當恰當。
一代傳奇女子離世，同樣被視為才女的林燕妮就曾在TVB跟狄娜共事，印象中的狄娜是一個聰明有禮的女人，林燕妮不覺得狄娜神秘，她昨日在電話中說：「佢畀我嘅印象係一個聰明人，佢係讀到初中二咋，人人都有自己嘅生存方式，佢對人好有禮貌，我同佢同李志中一齊飲過茶，佢係好客氣。」
嘆香港人才凋零
林燕妮透露狄娜認真用功，《蒙太奇》節目中提及的電影、書、作品，她都會先看過。對狄娜擅長把握機會、表現自己印象最深刻：「佢宣佈破產之後，我嗰時喺無綫做嘢，台慶佢又話要嚟，佢好識製造氣氛，話要喺後門入，仲要由無綫高層陪住佢入，當時個個明星都喺前門入，佢識得咁樣擺大個排場，佢係幾夠膽。」林燕妮又慨嘆過去10年香港人才凋零，她說：「奇女子令到香港更加熱鬧，過去幾年令到香港咁熱鬧嘅人，由羅文、梅艷芳、肥肥，到近期尹佬，全部走咗一個又一個，全部都唔捨得。」
白韻琴直言跟狄娜並不熟稔，但曾做她的節目嘉賓，白姐姐昨日說：「佢以前訪問過我，已經唔記得係乜節目，起先佢搵人打嚟，俾我拒絕咗，後來佢親自打咗幾次，佢畀我印象係口才好。」白姐姐終被狄娜打動接受訪問，令她印象深刻的是對方寫了一句詩給她，她說：「好似係話『為他人作嫁衣裳』，呢個係佢嘅理解，覺得我做人奉獻社會。我就覺得淨係為自己就唔得快樂，基督精神都話最快樂嘅係幫到人哋。」
白姐姐早識弟妹
白姐姐覺得狄娜是一名極出色的公關，白韻琴說：「其實我都見過佢好多次，佢真係好識公關，同埋好了解人性。而且都有睇過佢嘅著作同生平。」白姐姐又透露認識狄娜的弟妹，她說：「我識得佢屋企人，佢細佬、細妹都識，係另外有朋友認識佢哋。妹妹係做珠寶，細佬就幫佢做飛機工程，細妹個樣貌都似，但性格唔同。」
採訪：何永寧、林妙萍
娛樂資料庫：奇女子逐個捉
在娛樂圈中除了狄娜被稱為奇女子外，還有其他人辦如下：
人物：方逸華
歲數：76歲
奇事：方逸華初中輟學，於1950年在星馬展開歌唱事業，登台期間認識邵逸夫，後加入邵氏扶搖直上並嫁給邵逸夫，現擔任無綫副主席。
人物：白韻琴
歲數：65歲
奇事：有白才女之稱，20年前一場官司認識謝偉俊，並展開姐弟戀，98年曾因瞞稅入獄，是非不絕。
人物：林燕妮
歲數：62歲
奇事：曾當天氣小姐，縱橫廣告界也是出色作家，與黃霑的一段情最令人深刻。不過其妹妹及兩位弟弟，包括著名填詞人林振強相繼病逝，才華與天倫難共存。
人物：章小蕙
歲數：47歲
奇事：童話式與鍾鎮濤結婚，多年後與商人陳曜旻撻着並離婚，更因炒樓債台高築，但男伴仍如車輪轉，更曾接拍楊凡的三級片《桃色》。
資料來源：《蘋果》資料室
