「保皇黨實在太猖狂，市民就你有你講；強行撥款高鐵政策擺明係偏幫，你叫我仲點對特區政府存有希望？」Rap友MastaMic在3月10日把獨立創作的《09HKRapUp》上載YouTube，一星期內已有萬八次點擊率。MastaMic不見經傳，他說他跟衝擊中聯辦與包圍立法會的年輕人都一樣，都是80後行動派，只是行動各有不同。
會考18分，順利升讀中六，但因失戀而暴躁，在校內搗亂推撞老師，被踢出校，再被父親踢出家門，流落在收留夜青的中心。Mic仔得姨母打點，上北京修讀大學附屬中學，再升讀武漢一所大學主修法律課程。不過，在內地三、四年間，Mic仔始終沒有好好讀書，以雙失青年姿態頹勢回歸香港。
更清晰認識自己
Mic仔沒有後悔，他說這幾年在北京clubbing，與當地DJ、MC打交道，學會了音樂，學會了人生：「我學到人生態度，音樂嘅靈魂就係創作人自己，打動到自己先可以打動到人，創作音樂就係要面對自己，所以我玩音樂嘅最大目的，就係要挖自己出來，更加清晰咁認識自己。」
見他越講越玄，記者把話題一轉，轉到他的新作《09HKRapUp》。這是Mic仔回港後從事獨立音樂以來的最得意作品，長達六、七分鐘的Rap歌唱盡09年香港時弊﹕「特首Donald寓意係當奴，印證年初求籤話香港有妖魔當道；幾時你先肯交出普選路線圖？香港人唔會再俾你嘅大話擺佈。」
今年1月，萬人包圍立法會反高鐵停撥款，24歲的Mic仔也置身其中。他沒有加入圍堵鄭汝樺，認為這樣做不符成本效益，不過他說自己跟80後示威青年都有共通點：「我哋都係行動派，佢哋用肢體行動，我用音樂。」
Mic仔的音樂行動之路卻肯定不好走。在香港，hiphop是很難混飯吃的，尤其是廣東hiphop：「拜母語教育政策所賜，中文總係低人一等，喺bar唱廣東hiphop總係冇英文咁受歡迎，去老蘭，講英文媾女都易過廣東話。」Mic仔目前收入，主要來自品牌活動中的表演，平均每月只得數千，還要兼職sales維生。
希望能闖出成就
身為草根家庭的獨子，Mic仔追逐音樂夢想的壓力很大﹕「我冇乜畀錢父母，少少遺憾，呢個係男人基本上應該做到嘅嘢。」他很希望可以在音樂上闖出一番成就，在用棍毒打他無數次的父親前威一次。若是現實不容許，最終只好轉行：「但係我都有個止蝕位，唔會去到瞓街。」
記者：蔡元貴