「珍惜食水，切勿浪費」─—政府用咗呢句口號幾十年，向市民宣揚節約用水，但習慣係由細養成，水務署總工程師麥成章同八方講，佢哋已經喺20幾間小學推廣慳水辦法，包括建議啲學生哥洗完手之後，要扭實個水龍頭之類，又要求學生成立用水監察小組，監察學校有冇浪費食水。
除咗小學，政府部門都係水務署提倡節約用水嘅戰場。麥成章話，已經陸續為好多部門更換慳水器具，目標係出年可以換到2至3萬個。佢話慳水器具同普通嘅價錢差唔多，好似一啲出水較慢嘅水龍頭同冲廁系統，咁就每年可以慳番200萬立方米水，慳水之餘仲可以幫政府交少啲水費，一舉兩得。