今次重心放回日聯，周六續捧名古屋鯨魚，主場擊沉神戶勝利船；周日，捧如開行引擎的荷甲阿積士，作客大炒海牙，攻波膽4:1、5:1。
上周重點推介侯城單W（2.35倍）及燕豪芬勝[-1]（2.3倍），希望擁躉看到這份追求有分頭心水給大家參考的誠意；近期賭波有勢，可惜就是因為日聯季初點題球隊鯨魚，周中踢盃仔最後1分鐘被追和，令我痛失上月榜首位。但做人不記仇，賭波更不會，揀到重心，不會就此放棄。
鯨魚的優勢如德甲利華古遜季初一樣，後者沒有歐洲賽負擔，今季大部份時間處於強勢，踢聯賽一心一意火力十足至近期才稍回軟。參考這類球隊的模式，鯨魚很自然成為小弟重心投注目標。該隊周中一戰是唞10天後作客衞冕日聯盃的FC東京，完場前被逼和尚可接受；「一課試閘」相信足令今日主場擊沉鬥志無復當年的神戶勝利船，開到[-1]才夠飽。
攻阿積士贏大波膽
同日心水還有車路士及布力般客W。前者唞夠作客紅魔鬼，分數落後應不願求和；至於布力般作客踢聯賽「散晒」的樸茅，莊家不開布軍讓平/半盤，更令我不用分心，可捧單W。
周日心水不多，下午想睇吓跑馬仔。捧近期冷門得心應手的大摩馬房，賭食腦倉主戰馬一向不必看近績，常出冷只因馬迷信近績，要捧熱門何不買蔡約翰？重心場次又出「閒話一句」同「步步穩」考馬迷，我估換上勞愛德的「閒話一句」是主力；賭完馬，捧近績超級厲害的荷甲阿積士，已彈開燕豪芬並窮追榜首川迪，決心巨大，荷甲水準太參差，驚作客海牙讓得多，博大勝波膽玩吓啦！
今周推介：名古屋鯨魚勝[-1]（2.52）
近5場往績：WWLLDL
蘋果波神
簡介：一分耕耘一分收穫，難得半夜睇波娛樂兼備，人生一樂也。捧愛隊可以好主觀，但若能客觀地從足球直播欣賞對戰雙方的表現，你會發現不少投注寶藏，啟發投注靈感。