狄娜憑大膽性感的造型和演出迷倒萬千影迷，她主演的電影《七擒七縱七色狼》也因而榮登艷情片經典之列，其美艷形象多年來更被不少後輩爭相模仿，如佘詩曼早前在電影《72家租客》中扮演風騷蝕骨的包租婆，造形便是參照狄娜當年的打扮，但她跟前輩比起來，風韻仍有不足。
「真係好專業」
導演王晶年前更直接重拍《七》片向狄娜致敬，在片中扮演翻版狄娜的女演員乃是孟瑤，她昨日得知狄娜死訊後，在電話中對這位一代尤物讚不絕口，她說：「我拍之前都有參考過狄娜小姐嘅舊作同相片，覺得佢演出好放同自然，而且好靚。我喺自己部電影裏面都有模仿佢嘅演出，好似眼神同談吐，我覺得喺嗰個時代，狄小姐敢作咁大膽嘅演出，除咗勇氣之外，亦都真係一個好專業嘅人，係我哋後輩應該學習嘅對象，佢嘅離世真係好可惜。」
採訪：何永寧