與狄娜同是粵語片著名女星的雪妮，曾於68年跟狄娜合作電影《神弓》，是二人唯一有交集的作品，可惜只是同場並沒對手戲。雪妮昨日聽聞狄娜病逝後，表示雙方畢竟是同年代的藝人，心裏感覺甚不好受。
「癌症好恐怖」
雪妮昨日在電話中傷感地說：「狄娜係一個好傳奇嘅人物，65歲都仲係好年輕，咁就走咗真係可惜，始終癌症係好恐怖，我今日聽完呢個消息，成個人好唔舒服。」
提到想當年與狄娜齊在片場開工，雪妮指狄娜扮演一個遭非禮的村姑，造型十分性感，所以每次拍攝她的戲份時，總吸引不少男性劇組人員圍觀，雪妮說：「有狄娜嘅戲，大家都圍晒睇，好熱鬧。」狄娜的驕人上圍當年可有招來其他女藝人的妒忌？雪妮說：「唔會，我知佢身材好好，不過當年我都着比堅尼拍戲，我都接受大膽演出。」
大讚有禮斯文
雪妮又說：「狄娜份人好闊佬吓，佢出入都有私家車接送，仲有禡姐跟隨，最記得放食飯時，大家都捱飯盒，但狄娜就好特別，佢有禡姐開私家枱畀佢嘆西餐。」
雪妮表示因當時彼此沒有對手戲，所以沒有傾談，但數年後在公開活動碰面時，狄娜還是會主動向雪妮點頭打招呼，雪妮說：「我覺得佢待人真係好有禮貌同斯文。」
採訪：比華利