香港地睇波人多，但真正技術高超的又有幾多個？眼見當代球王美斯及基斯坦奴朗拿度的腳下功夫了得，所謂萬丈高樓都要從地起。今期《星級教室》請來香港巴塞足球學校教練鄭兆聰，先教大家巴塞式足球的基本控傳技術。
記者︰鄧永賢 攝影︰黃賢創
掃把腳是足球的基本，無論停波、交波抑或射波，掃把腳都可派上用場；而最重要的，是做到左右腳都可開弓，純熟自如。
1〉當足球來到自己的右邊身旁
2〉先要鎖定右腳腳腕，再用掃把腳控定皮球
3〉來到這步，通常會用控球的右腳傳球，但巴塞式傳球則要求球員將足球推橫，再用左腳以掃把腳傳出去
4〉當成功純熟地以右腳控傳球後，將所有動作，以左腳重覆做一次，務求雙腳的控傳基本功也熟練自如
ˇ巴塞式控傳球，除了用基本的掃把腳將來波球速減慢外，重點是另一隻腳要預備以相同的姿勢把球傳給隊友，好處是以右腳控球後，可靠身體阻擋敵方球員搶波，再順勢以左腳傳予隊友。
知多啲：「傑」出助教──鄭兆聰
現為甲組球隊傑志助教的鄭兆聰，年少時隨家人移居哥斯達黎加，更入選該國青年軍。踢波充滿南美風格的「南美聰」93年回流香港，為港隊中流砥柱，他亦先後效力多間著名球會包括愉園、東方、南華、快譯通及傑志，於95/96球季成為香港足球先生。
邊度有得學
1)香港巴塞足球學校
http://www.fcbescola.hk/index.php
2)車路士足球訓練學校（香港）
http://www.chelseafchk.com/zh/index.php
3)康文署足球訓練班
http://www.lcsd.gov.hk