諸葛梓岐和李彩華分別和闊少拍拖，諸葛近期和Neway太子男友薛嘉麟鬧分手，她昨日對戀情支吾以對，表示是「好少見面的情侶」，感情轉淡，更自爆兩人從來沒有打算結婚。另一邊廂的李彩華，則與仁愛堂總理王傲山轉入直路，富貴一筆過給600萬元買泰國豪宅收租。
諸葛梓岐（Marie）、JessicaC.和莊思敏等昨日在又一城為lesaunda示範新季鞋履。Marie近日暗示和Neway太子薛嘉麟感情有變，她想以工作為先，感情放一邊，似乎醞釀分手，Marie被問到是否和男友決定分手？她說：「未答到你哋住，一諗起就好sad。」
未諗過結婚
問到男友方面？Marie說：「佢好好，我唔想影響佢屋企人同身邊朋友。」仍然是男女朋友關係？她說：「係，係一對好少見面嘅情侶。」她否認寄情工作，至於男友有否挽留她，她則說：「佢好關心我。」再追問時，她即說：「唔好逼我啦，我想做嘢先，做嘢都用咗我好多時間，大家都未諗過結婚。」外間有指她公主病發？她說：「我從來冇公主病，啲工作人員同我work過，都話我好nice。」
Marie瀕分手邊緣，同場嘉賓李彩華（Rain）與仁愛堂總理男友王傲山感情就轉入直路。有指王傲山最近斥資600萬元在泰國買了兩個華欣單位，給Rain媽咪收租，Rain昨日一聽就自動波不停口說：「冇，之前喺香港同媽咪睇，咁香港樓價上升，泰國嗰面都仲OK，兩層夾埋都600萬。」
Rain：清袋喇
Rain強調是自己付錢，更是一筆付600萬，她說：「泰國冇得做按揭，係我自己積蓄，係我內地拍劇同咁多年積蓄，買咗之後清袋喇。」Rain指男友沒有資助，但不介意男友贊助，問她是否由男友供養？或者何時做王太，她即說：「冇，我家仲有能力，仲後生。」
採訪、攝影：RitaLeung