受制100日線，港股噚日打破三連升局面，下跌135點收市，報收21239，不過大市窄幅波動，全日波幅不足220點，670億元成交掩蓋唔住啲假期氣氛。
睇晒成個場，比較有氣氛都係內銀股，交通銀行（3328）公佈嘅業績好過預期，股民對內銀股又有憧憬，放完假返嚟個市可唔可以炒高，睇嚟都要靠內銀股。
國壽C輪21341：中國人壽（2628）噚日報收37.20元，升1個價位，升幅雖然唔大，但維持近日嘅強勢，短線有機會試38.80元，破位睇40.50元，可以諗吓隻C輪21341。隻輪現價20.7仙，2010年9月6日到期，行使價38.80元，溢價9.9%，引伸波幅28.8%，有效槓桿率7.9倍，正股見40.50元，21341見37.8仙，正股跌穿36元就沽咗隻輪。
俊樺