楊千嬅身為鄭中基前女友，昨日她到尖沙嘴出席活動時頓成焦點。對於藝人秘婚有否在報稅時瞞婚，千嬅與老公丁子高均表示報稅填已婚，千嬅更謂想快點生仔得到子女免稅額。
楊千嬅昨日以頒獎嘉賓身份到尖沙嘴出席「壹電視大獎2010頒獎典禮」，對於前男友鄭中基和蔡卓妍（阿Sa）婚變，千嬅嚴肅回應說：「人哋私人事，我哋唔應該喺公開場合批評，作為朋友應該畀啲空間佢消化，人哋三番四次要求，支持同關心佢嘅朋友應該畀時間佢淡化，件事始終係一件唔開心嘅事，我作為朋友會精神支持。」
有指阿Sa與內地騰訊網QQ之父馬化騰交往，千嬅說：「呢啲唔答，佢哋已經好痛苦交代一次，唔想再提，希望佢哋努力工作，喺電影同演唱會我都好支持佢哋。」
對於最近三人的幸福被拿來比較，千嬅笑指這純屬抽水，她說：「我唔會攞自己生肖同人比較，每個人有自己人生。」談及向稅局申報婚姻狀況，千嬅指丈夫第一時間向稅局申報，她說：「我諗佢驚俾人拉，老公第一時間去報，仲報埋父母免稅額，我想快啲生個仔頂一頂啲稅，回報吓利是，希望早啲生個，三年抱兩。其他人有冇報係人哋私事，可能人哋有報我哋唔知。」
丁子高唔知老婆收入
問千嬅會否邀請鄭中基出席婚宴？她表示還未編排賓客名單，暫時未知，她說：「唔知夠唔夠位坐，如果唔夠位坐，可能淨係請親戚。」
此外，丁子高昨日在又一城出席活動，他透露和千嬅是夫妻分開報稅，他說：「婚後報過一次稅，我係填已婚人士，配偶係寫咗千嬅個名。」那麼千嬅的報稅單如何填寫？他說：「唔清楚，我哋夫妻分開報稅，各有各報。人一世，結婚係咁開心嘅事，一定要填已婚囉。」千嬅是圈中小富婆，豈非不知她收入？他說：「係呀，我哋財政獨立，你哋幫我問吓佢。佢有團隊幫佢報，我就啱啱開始，我係良好市民，為社會盡少少力，要報都報晒。」
採訪、攝影：梁錦雯
小八卦：Sa、基證婚人來頭猛
鄭中基與蔡卓妍當年行禮的教堂位於洛杉磯SierraMadre區的ChurchofChrist（圖），負責證婚的駐場牧師MauriceC.Hall其實也大有來頭，他是教堂內的卓越聖經導師，曾與妻子Marie在越南、法國和摩洛哥等地傳教。Maurice又創辦了WorldChristianBroadcasting團體，向全球信徒傳播耶穌的事迹。
