蔡卓妍（阿Sa）被爆婚訊即宣佈離婚，同時又爆出她暗交內地年輕富豪，鍾欣桐（阿嬌）雖被拍檔隱瞞婚訊，她不但沒有不快，更力撐到底，阿嬌表示不知阿Sa暗交闊少一事。經理人霍汶希則表示要拿出阿Sa排到滿的工作表，力證她無暇拍拖。
鍾欣桐昨日在尖沙嘴出席洪卓立的新碟發佈會，英皇高層霍汶希（Mani）和吳雨拉大隊，帶同師妹湯怡和沈穎婷撐場，阿嬌則擔任神秘嘉賓替洪卓立加冕，洪卓立母親上台獻花。
「唔好再騷擾佢」
阿Sa不但向英皇瞞婚，就連合作無間的好姊妹阿嬌也未獲通知婚訊，直至本報上周六獨家刊登Sa基的婚書，夫妻關係才正式曝光。近日爆出阿Sa有內地年輕富豪新歡，阿嬌說：「我唔信嘅嘢都唔會問，明知唔係真就唔會去問。」有指06年阿Sa結婚收下500萬禮金，阿嬌說：「我冇睇報道，總之我唔清楚。」
對於阿Sa瞞婚，阿嬌力撐說：「咁秘密嚟！」阿Sa心中有數誰人爆她的婚訊，阿嬌說：「阿Sa已經回應咗。」阿嬌指阿Sa近日心情沒受私事影響。有指阿Sa與內地闊少常到香港陽明山莊密會，到底阿嬌可知阿Sa認識了內地朋友？阿嬌封嘴說：「呢個我唔知，我唔方便回應。最好唔好再騷擾佢，係對佢最好嘅。」
經理人Mani列舉出阿Sa密麻麻的期表，以證明她沒時間拍拖，Mani說：「佢工作好密，唔好講北京同上海，就算男友喺長洲都冇得見，除非佢男友喺英皇做，呢啲新聞要加多啲角色，故事先好睇。」
洪卓立短訊問候
此外，洪卓立去年初因肺積水復發入院留醫，暫停唱歌事業一段日子，他也關心師姐阿Sa：「我發咗短訊畀佢，佢回覆多謝關心，藝人好多時應有私人空間，希望大家留手。」
採訪：李珮洳
攝影：彭琮然