朱咪咪同鮑起靜、李修賢幾位老戲骨，喺新戲《月滿軒尼詩》飾演灣仔街坊，有觀眾睇完大讚佢哋演出精采，最搞笑係平時形象溫文嘅鮑姐，今次做個巴辣橫蠻嘅老闆娘，而平時巴辣嘅朱咪咪，今次就做鮑姐細妹，賢良淑德，最精采一場係朱咪咪同鮑姐爭仔，為李修賢爭風呷醋，鮑姐仲激動到暈低送院，相當搞笑。