鄭中基（Ronald）與蔡卓妍（阿Sa）維持了四年的婚姻宣佈告終，兩位當事人近日如常工作，Ronald更片約不斷，8月先接演谷德昭的《龍咁威3》、9月則夥拍古天樂與劉青雲，參演陳慶嘉執導的時裝喜劇，為一班中港日韓台美女扮靚，享盡艷福。
剛被爆婚訊的鄭中基，其主演的《越光寶盒》在內地收逾億人民幣，頓成為片商搶手貨，8月他會先接演谷德昭執導的喜劇，現構思開拍《龍咁威3》或愛情魔術喜劇；9月就會繼《內衣少女》後再與陳慶嘉合作，更會與好拍檔古天樂，聯同劉青雲演扮靚專家，與一班美女發生微妙關係，鬧出不少笑話出來。
參與劇本創作
記者昨日致電向Ronald求證是否接了這兩部戲，他回應說：「阿谷喺內地拍緊戲，等佢返嚟先可以開會詳細傾，到時先決定係開《龍咁威3》定魔術喜劇。」Ronald將與谷德昭一起參與劇本創作，但不會參與導演工作。至於與古仔合作的電影，他說：「詳細未傾實o架，古仔就係同阿谷一齊喺內地拍戲，都係等古仔返嚟先可以傾，如果都係同期開，咁個期要諗吓點就喇。」
陳慶嘉執導的時裝喜劇，投資成本約2,000萬，劇本已花了差不多一年時間整理，該片監製錢小蕙昨日接受訪問時說：「我同陳慶嘉成立尚品公司已經有10年，之前我哋攞咗政府資助基金拍咗一部10年紀念作《人間喜劇》，到9月會再搞一部大製作，搵青雲、古仔同鄭中基三位可以獨當一面搞笑嘅有份量演員合作做扮靚專家，部戲仲會集合中港台同日韓嘅美女參加演出。」
青雲關心鎮宇
此外，劉青雲、郭藹明夫婦昨日在尖沙嘴出席電器產品活動。青雲好友吳鎮宇早前涉嫌於餅店打傷人被捕，案件即將開審，青雲希望鎮宇安然無恙。他說：「鎮宇去咗大陸開工，我知佢單案4月1號上庭，我見鎮宇個樣都好冷靜，希望佢冇事啦！經過今次件事，我諗佢會更清晰，無論工作各樣都會變得更冷靜，佢份人平時係幾好嘅，藝人情緒波動大，呢行比較易接受，外邊嘅人本身圈子唔太接受，所以會加以控制自己情緒，最慘係情緒越波動就似越好演技咁。」
採訪、攝影：魯萍、葉雪
