【本報訊】浸會醫院內地產婦楊烽血崩死亡，死者家屬抗議行動升級。20名家屬本周日（本月28日）衝擊浸會醫院後，死者丈夫昨要求院方本周五（4月2日）前交出死者醫療紀錄，否則擬於清明假期帶同過百名家屬來港，抬棺堵塞醫院門口，並在現場拜祭。
要求交出醫療紀錄
廣東女企業家楊烽本月3日在浸會醫院剖腹誕下幼女，但疑因胎盤植入導致大量失血，接受深切治療四天後不治。楊烽的丈夫施健向本報表示，妻子身故後，浸會醫院只向他交還病歷，其餘資料包括醫療紀錄及手術錄像等全部欠奉，「幾點做過乜嘢治療？幾時輸血？幾點切子宮？幾時切完？呢啲係原始資料，就算要調查都可以攞出嚟先，同社會交代。」
質疑浸會醫院延誤救治的施健昨向院方發出「催告函」，要求院方4月2日前，即妻子出事後一個月，以書面形式向他提供醫療紀錄等資料，「點解要拖咁耐？係咪有嘢隱瞞？我唔要幾個月後，先收到包裝過嘅所謂真相。」
若浸會醫院未能如期交出資料，施健計劃下周初率領整個家族來港，確實日期待定，「百幾人一定有，我仲辦緊簽證，又要訂棺材。」屆時家屬會抬一口空棺木到醫院門口，即場拜祭楊烽。他將通知內地60家媒體、本港警方及衞生署。施健日前已安排楊烽在內地下葬。
楊的20名家屬本周日到浸會醫院外抗議遞信，半小時後衝入大堂。施健認為上次混亂由院方造成，要求醫院管理層公開道歉，並揚言今次行動「唔會咁容易收科」，「上次我俾車入去，今次會塞住佢門口。我唔會走，戴埋帳篷喺度住。我已經話定畀醫院聽，你當我冇到，就後果自負。」
「會幫呢間醫院宣傳」
施健早前公開批評衞生署反應遲緩後，前日終獲署方致電跟進，「可能因為傳媒壓力，家亡羊補牢。」他昨向署方遞交投訴信，浸會醫院也派員聯絡他，施健說：「我會接受國內電視台訪問，幫呢間醫院大肆宣傳。醫院希望同我溝通吓，我要佢上嚟廣州傾。」本報昨日多次致電浸會醫院公關部，但截稿前未獲回覆。