鄧健泓昨日到商台宣傳新歌，將在5月出新碟的他，卻爆出他被飛出《勁歌金曲》，由MCJin取代他做司儀。鄧健泓是環球旗下歌手，問他是否因為出新碟，避免他在《勁歌》宣傳而被飛起？他說：「其實一開始做《勁歌》都知係頂替嘅角色，做過兩次《勁歌》司儀，都係頂替崔建邦，我遲啲都要拍劇，都冇時間做，錄多兩集《勁歌》就會換人。」
問鄧健泓有否介意被飛？他說：「都唔係好緊要，我會把握做呢兩集《勁歌》，就算唔可以唱歌，都會用朗誦方法讀啲歌詞，或者提吓首歌名。」
森美：應該我做
此外，同樣被認為是迷雲黨的森美昨日到紅磡擔任活動司儀，他表示在無綫的工作沒受影響，他說：「做完《千奇百趣》主持後，就會做《超級巨聲》。其實Patrick（鄧健泓）有實力，唔做《勁歌》係好事，歌手做音樂主持唔係太好，應該由我做。」
採訪、攝影：胡比