阿Sa、吳君如、詹瑞文和李曼筠（動漫Maggie）等，昨晚到尖沙嘴出席《美麗密令》首映禮，穿上紅短裙的君如在台上時，突然有陣怪風把她的裙吹起，重演當日傅穎（Theresa）的「UFO」事件，幸好君如未有露底洩春光，比Theresa好彩。
君如表示當見到Sa基婚書被登，已即時提議鄭中基要危機處理，但她否認自己是幕後軍師。問到會否覺可惜？君如說：「佢哋可能唔啱時間遇到大家，timing唔啱。」有傳阿Sa有第三者，君如說：「我100%唔信，阿基我都唔信，我喺呢行咁多年，有乜嘢蛛絲馬跡我一定發現。」
詹瑞文唔放過志雲
詹瑞文表示Sa基開記者會後曾sms問候阿Sa，她有回覆表示感謝，詹Sir大讚兩人開記者會的做法是成熟、勇敢及恰當。會否覺得陳志雲好彩，因有這單新聞蓋過他的涉貪報道？詹Sir抵死地說：「仲有我喺度，我唔怕被人話抽水，我冇幕後抽佣就得。」
採訪、攝影：魯萍、陳志嵐