花旗股市造好，道指升45點，上試11000關又近一步，噚日港股期指結算，好友唔會錯失機會，將恒指推高137點，報收21374，突破100線，不過只係輕微突破，可唔可以大幅推高，仲要睇埋呢兩日。
噚日個市硬淨，主要靠內銀股同保險股，睇嚟升勢仲可以Keep得住。
長實C輪20185：長江實業（001）昨收100.90元，跌0.49%，業績公佈後股價回軟，但向上大勢冇變，後市有機會上試112元，可以諗吓隻C輪20185，隻輪現價9.8仙，2010年11月1日到期，行使價96.99元，溢價5.8%，引伸波幅29.7%，有效槓桿率5.91倍，正股升上112元，20185有機會見16.7仙，有7成升幅，正股跌穿97元就沽咗隻輪。
俊樺