長和系主席李嘉誠昨日向傳媒分享「內心世界」，認為向公眾講樓市、股市看法要小心，「如果不盡不實，有誇大，咁就罪過！」不過，他就講明，長江實業（001）與和記黃埔（013）「即使股價升上去，仲係低」，他一定買。
強調可見將來不配股
「長實12倍市盈率，咁低，加埋股息……就算唔係我公司，我都想買！」可見李嘉誠確實認為長實是優質股。他又強調，長和負債低過10%，只有5至6%，加上收入龐大，現金充裕，在可見嘅將來都不會配股，「市盈率（升到）20、30倍你先要擔心（可能配股）」。
李嘉誠笑言，受制於全年業績公佈前兩個月為董事禁售期，他過去兩個月不能買賣長和股票，可能市場都知道，因而令到長和股價走低，近日股價造好，可能就是市場估計他會繼續增持，他亦表明一定會買。