曾因拍《花田囍事2010》與鄭中基傳緋聞的Angelababy（楊穎），昨日現身旺角朗豪坊為時裝品牌bread&butter行騷。Baby主動澄清自己並非第三者，記者問她看完二人離婚記招會否很感慨，她說：「係，一路都好鍾意呢兩個人，好欣賞佢哋兩個，見到佢哋分開好可惜。」有指阿Sa結新歡致離婚，Baby說：「呢個報道對兩個都好傷心，牽連身邊嘅人，一個好唔開心嘅狀態。」問到她會否安慰鄭中基，她說：「已經俾人話係第三者，都唔敢叉隻腳埋去。」
傅穎急劃清界線
去年出書自爆遇愛情騙子的傅穎（Theresa），昨日出席「奧海城海洋微妙世界」啟動儀式時，強調所指的並非鄭中基，她說：「從來冇話佢係騙子，亦都冇話過係舊公司嘅人，係另有其人，不過都過咗一年，呢個人唔再喺我生命裏存在。」問到Ronald是否有追求過她時，Theresa即說：「係拍戲嘅拍檔，事前亦都唔知佢哋結婚，我睇到報道（指已婚一事）都好surprise。」
採訪：羅慧敏、駱華齡
攝影：陳志嵐、陳俊強