陳慧琳（Kelly）有蝦餃仔萬事足，昨日短留北京兩日，為時裝品牌MarcCain行騷。Kelly透露有意再生多一名小朋友，更曾以生B威逼老公戒煙事敗。問到會否建議藝人生B維繫夫婦感情，她表示沒用，始終一對夫妻都要互相尊重及信任。
德國時裝品牌MarcCain昨日在北京大飯店舉行秋冬fashionshow，由本地設計師鄧達智作藝術總監，陳慧琳客串行騷，有份行騷的模特兒包括劉丹和張靜等。身穿豹紋圖案trench的Kelly以壓軸模特兒身份出現，記者問她頻頻接job，是否為蝦餃仔劉昇儲錢，她說：「為興趣，自己鍾意時裝，行騷簡單又輕鬆。」
「全屋都禁煙」
問何時計劃生第二名，Kelly笑說：「都有諗，不過言之過早，上次生完8個月，傷口要一年先好。」問到會否要老公劉建浩操弗身體，她說：「想佢戒煙，同佢講過，佢都食少咗，最好戒晒，自己唔鍾意佢食煙，好臭，全屋都禁煙啦。」記者笑言會否以生B威逼老公戒煙，她說：「試過，不過都唔成功。」
談到近日藝人婚姻易破裂，Kelly說：「最緊要互相尊重同信任。」會否建議生B維繫感情，她說：「唔係靠生BB維繫，係要兩邊一齊維繫。」
捐錢抗旱災
此外，內地旱災嚴重，問Kelly會否一家三口共浴節約用水，她笑說：「都有捐錢，寧願自己唔浸浴都要畀個仔冲凉。」
採訪：JessicaNgan 攝影：MatthewLam
