Juno：我唔恨做潮人

上天真是很不公平。這是與神級潮人Juno（麥浚龍）訪問後得出的結論。睇慣他一身mastermindJAPAN、N.Hoolywood等日本大牌出場，今次換上本地TOUGHJeans上陣，繼續潮氣；平時着黑白西裝tone見人，今次colourfultee上身，又型得起；好日都唔着一次牛仔褲的他，隨手拎條老牛套上腳又襯得幾好睇……令人羨慕又妒忌的事，以下試舉例說明之。

記者：葉雪芯
攝影：梁細權

藍色紅字SloganTee$450、藍色啡帶VintageJeans$975

橙紅色MilitaryWindBreaker$1,095、藍色WaxedPrintJeans$950

例子一：連底褲fullgear

時裝人通常嚴守styling第一戒：不能fullgear上陣。小記buy，認為作狀兼over（實情係無錢買）。偏偏Juno包拗頸唱反調，全身獨沽一味，一牌獨大，他說：「呢個怪癖我講唔出係乜原因，總之一定要全身同一個牌子，連內褲都要同牌子，而且我只着boxer，三角褲唔使預我。硬要解釋，只能怪我有潔癖，呢種潔癖蔓延至時裝方面，唔想品牌與品牌之間互相污染，我覺得咁先可以完全表現一個牌子的精神同風格味道。」潮到無話可說了吧?!但TOUGHJeans無推出內衣褲喎，咁咪周身唔舒服？「有些少遺憾，但已經提出建議，我都好想快啲有得着呀！」

■fullgear連內褲都要同一牌子未算爆，最爆係Juno話其實佢有儲內褲習慣，喜歡搜集不同品牌的boxer內褲。

例子二：我好少買衫

做潮人，shopping多過食飯，季季出國掃貨應是等閒事。想睇睇Juno今季張buylist，他說：「其實我真係好少買衫，與很多不同品牌做了朋友，佢哋每季都會送衫畀我，例如前幾年去巴黎FashionWeek，睇完騷就會邀請我去揀衫。平時我甚少幵牛仔褲，最多買一兩條must-have易襯款玩吓；今次做TOUGHJeans代言，試咗好多不同washed的牛仔褲，特別鍾情簡約和盡量少patch的款式。」有條件使錢但無乜機會shopping，不代表對男潮無say，妒忌之餘不如聽Juno對春夏trend做的功課，他睇好gentlemenstyle：「今季我比較多留意西裝，N.Hoolywood的西裝cutting是眾牌之中最fit東方男仔的；smartcasual係今季男裝重點，要幵得有class，不妨多留意MiharaYasuhiro和Dress33，是入門穩陣之選。」

■藍紅色金寶湯PatternTee$495、藍色WaxedPrintJeans$950

Retro米字國旗Tee$395、深藍色VintageJeans$975、ToughLogoBelt$345

例子三：咪叫我潮人

掛上「潮人」名號多年，大家睇慣叫慣，原來當事人對這個稱呼感覺並不良好，Juno說：「老實講，麻麻哋鍾意人哋咁叫我。身邊唔會有朋友成日問我stylingtips，只係傳媒訪問特別鍾意問我呢類問題。我認為呢個世界無一樣叫做潮流嘅嘢，一向都係着番自己鍾意嘅style同character，例如早兩季興男人着裙同leggings同長身大褸，我就唔會試！自己又唔係高大，咁着唔好睇又自暴其短，絕對唔會因為個大氣候興呢樣又去着幾季，總之唔好盲目囉。不過又唔代表我唔敢試新嘢，例如呢期好鍾意着好大好重嘅鞋，但自己覺得細身系襯bulky款式鞋個比例又幾好。其實無一個人可以講到畀你知你最適合點着，了解自己風格先係最重要。」

■呢期酷愛N.Hoolywood西裝，但訪問當日就以全黑mastermindJAPAN見人，而最冧item就有N.Hoolywood這款帶點笨重、似Danner鞋款的boots。

Juno'sChoice：VintageTee

TOUGHJeans每季都是走military、黑暗系路線，今季就名為「BeyondTheDark」，在原有的軍事、音樂、運動服同工作服元素加入不少細節，一系列的搶眼圖案Tee是最佳例子。Juno身為黑暗系代表，首次試玩這類款式Tee也覺得有不錯效果：「以往好怕着大print又花碌碌嘅tee，覺得好蝦人着，不過今季TOUGHJeans加入了retro元素，幾有趣，好玩得多，襯番vintagestyle的牛仔褲就好match。」事實上TOUGHJeans招牌牛今季亦是走vintage路線為主，在金屬扣上換上不同的鐵銹色，加入了少許古典的哥德式浪漫，配上了各種洗水刷白、磨破同褪色等細節。