A股噚日顯著造好，港股跟勢炒上，恒指報收21237，升近200點，睇啲衍生工具嘅盤路同成交，個市仲可以踢高啲，不過恒指100日線阻力唔細，加埋假期氣氛濃厚，成交奀，要破關或者要等長假之後。
噚日內銀股同保險股都偏好，不過睇成交，保險股嘅氣氛就好啲，可以繼續跟進。
財險C輪18000：中國財險（2328）昨收7.93元，升1.4%。股價喺7.40至8元之間已反覆一段時間，有機會破關炒上9.80元，可以諗吓隻C輪18000。
隻輪現價15仙，2010年12月30日到期，行使價8.09元，溢價20.9%，引伸波幅56.7%，有效槓桿率3.1倍，正股升上9.80元，18000睇27.5仙，正股跌穿7.40元就沽咗隻輪。
俊樺