皇家馬德里今季豪花接近兩億歐元打造新銀河艦隊，除了外借回收的加雷，艾比路亞就是其中一位轉會費最平的新兵。不過「平嘢」未必代表「冇好嘢」，艾比路亞在皇馬後防平穩演出，加上助攻威力，證明400萬歐元轉會費物有所值。
打後衞貢獻關鍵入球
出身皇馬青訓系統的艾比路亞，今季從利物浦回歸，與中場格尼路同屬今季最平收購兵。不過可司職左、右後衞的艾比路亞，迅即融入球隊，22場聯賽上陣，即取得兩個入球及兩個助攻。雖然入球不多，但他的入球「價值」甚高，2月13日作客薩雷斯，就靠他的入球先開紀錄；今仗主場對馬體會，亦靠他擺動「蛇腰」射入，取得反先的入球。
艾比路亞過去在拉科魯尼亞及利物浦，都未嘗染指聯賽冠軍，今次在皇馬與巴塞隆拿仍鬥得難分難解，艾比路亞表示：「巴塞隆拿毫無疑問是歷史上其中一支最佳球隊，對我們來說，與他們爭奪冠軍是十分困難，但這正是我們的動力。」
牽牛
艾比路亞小檔案
AlvaroArbeloa
國籍：西班牙
年齡：27歲
位置：左/右後衞
前屬球隊：利物浦
今季西甲上陣（入陣）：22（2）
艾比路亞靚波逐格睇
打美式足球長傳達陣見得多，皇馬反超前的一球亦有異曲同工之妙。沙比阿朗素中圈拗腰大力長傳予右路突破的艾比路亞，後者最後推入禁區扭過馬體會守衞，順勢射入網成2:1。
電視圖片/路透社
