【本報訊】剛從羅馬回港的天主教香港教區榮休主教陳日君樞機，怒轟由中國天主教主教團及中國天主教愛國會舉辦的天主教代表大會，指大會企圖繼續以官方勢力控制教會，教會妥協已到底線。陳日君指，教宗已明確指出愛國會有違教會體制，呼籲全體信徒團結一致，推翻愛國會。
記者：張嘉雯
陳日君昨日出席教會活動時表示，過往不少內地主教在非法祝聖後要求教宗寬恕，教宗順應意思，亦沒有要求相關神職人員離開愛國會，是希望這批神職人員可以從內在改變愛國會，但不代表教廷認同愛國會合法，「我唔要求你大聲咁離開愛國會，但唔等於話愛國會啱，愛國會係唔啱嘅。」
「唔可以無條件咁妥協」
陳日君上周初到梵蒂岡出席一連三日的中國問題委員會會議，大會事後發表聲明，明確表示內地主教不應參與不合法的聖祭禮儀、主教祝聖及會議，教友應配合，「妥協呢，都有底線o架嘛。家應該係清晰講真理嘅時候，唔可以無條件咁妥協，好緊要o架，我哋要配合呢個政策囉。以前教宗唔出聲，家出咗聲喇，愛國會係唔可以接受嘅，大家應該一齊團結，去推翻佢。」
中國天主教主教團及中國天主教愛國會計劃今年下半年舉行天主教代表大會，選出新一屆領導，「呢個大會完全假嘢嚟嘅，佢究竟有咩意義呀？係唔係為咗地上教會嘅運作佢需要開呢個會呀，根本唔係，呢個會議嘅唯一意義就係繼續用呢個制度去管教會。」
望國內主教有權領導教會
為令天主教代表大會更具認受性，內地官方以不同方式威脅神職人員參加會議，陳日君同情內地主教的情況，「不過你係主教吖嘛，係要受呢啲壓力o架，其實家壓力都唔係好似以前咁犀利喎，以前抗議就要坐監，就要死o架喎，家唔係嘅，家主教以溫和方式表達，唔會坐監、唔會革職，最多係有人報復，唔畀佢利益。」
他認為神職人員應清晰表達立場，與愛國會劃清界線，「如果你唔開始澄清，呢個情況永遠落去，係辜負咗教宗嘅善意。」過去兩年內地不少年邁的主教去世，需要安排主教接任，未知會否再出現非法主教祝聖，「搵新主教大家都贊成，可以同羅馬商量囉，但係你唔可以違反教宗所講嘅嘢，教宗都準備同你商量o架啦。」
他又指，教廷的新聞稿中特別加入了一句，指培育工作應由主教領導，意思是希望主教的尊嚴及首要責任受到認同，「希望國內主教們可以真係有權領導教會，唔係俾人領導吖嘛。」
勇兵之言
送死也要站在弱勢的一方
78歲的老人，繼續要當基督的勇兵。天主教香港教區榮休主教陳日君樞機昨日出席教區視聽中心舉辦的電影會，與近百教友觀賞《戰火浮生（TheMission）》，會後直言若自己是電影中的耶穌會士，他多數會選擇打仗，與惡勢力對抗到底，即使是「送死」，也要站在弱勢的一方。
「我多數會打嘅」
《戰火浮生（TheMission）》講述18世紀中葉，耶穌會會士到南美印第安人地區傳教，協助他們建立自己的社區，改善貧窮生活，不再被當作奴隸販賣，其後西班牙及葡萄牙兩國要脅教廷，要會士遷出傳教區，否則驅趕歐洲的教士。耶穌會士不願服從教廷指令，繼續留在印第安人地區，有會士選擇跟入侵者作戰，有會士留在聖堂跟教友舉行彌撒，問到陳日君會怎樣做，他笑着舉起拳頭，「我多數會打嘅。」
陳日君解釋，電影中有神父選擇了武裝，倫理道德上沒有錯，因為暴力並非絕對不容許，每個人都有權自衞，「有時罪惡嘅勢力好大，個別嘅人冇辦法阻止，就算冇能力改變世界，就算知道係送死，最重要係喺嗰啲人旁邊，我哋同佢哋一齊，就代表咗天主嘅愛。」本報記者