上月在北京誕下第三名女兒的鍾麗緹剛坐完月，昨晚產後首次露面的她，原定上台行騷，最終因仍有20多磅未收身，只能在台下做嘉賓。鍾麗緹表示湊三個女很辛苦，但幸福感覺無法可比，更計劃推出育嬰書分享。
內地時裝盛事之一、中國國際時裝周正在北京舉行，香港設計師何國鉦昨晚也到北京開騷，鄺美雲、趙雅芝和陳碧舸捧場出席，但何國鉦之前透露會到場睇騷的千億新抱徐子淇則沒出現。
兩周減8磅
現年39歲的鍾麗緹自嫁予音樂人丈夫嚴錚後，長居北京，她上月高齡誕下7.2磅小B女Cayla，連同跟前夫所生的女兒，已生了三個囡囡，並宣佈肚皮收工。鍾麗緹坐完月後，前晚產後首次露面，她原定會上台行騷，開騷前夕才決定只做嘉賓。
鍾麗緹穿上deepV晚裝，露出頸後的情侶紋身，她說：「我好想行，設計師半個月前問我想唔想行，我話你唔介意我肥，我咪行囉。我用兩個星期減咗8磅，但仲差20幾磅，去到finalfitting，覺得都未係狀態，所以改為做guest。」
幼女十分嗲
鍾麗緹透露個半月大的幼女已改名為嚴紫凝，平時十分嗲，二女則只有20個月大，她說：「我想佢哋一齊成長，呢排老公去咗美國開會，我一個人湊三個女都幾辛苦，不過我好幸福，係佢哋令我覺得做人好幸福，好滿足。」她更謂準備出育嬰書，將這份做媽咪的幸福和心得跟天下母親分享。問到可想復出？她說：「我好掛住香港，想拍啲搞笑戲。」
此外，陳碧舸透露約滿熊黛林所屬的Style後，正式簽約美國簽有不少名模的NEXT做經理人，一個月已收入大增。
採訪：JessicaNgan
攝影：MatthewLam
