王菀之：好突然，嚇親，真離婚嘅任何一方都會心酸，好在女仔後生，希望每個決定帶來更好將來，有啲難關過咗會更好。我同阿Sa熟啲，會sms畀佢，其實有啲關係做朋友適合啲，好似我同軒仔。眼淚過後好快重現笑容，迎接下一段姻緣，祝福佢哋有更好嘅來臨。
方大同：好震驚，冇諗過，係好大嘅新聞，我結婚都會低調，唔會去拉斯維加斯，會揀夏威夷或歐洲，但我唔會即興囉，要計劃o架。結咗婚我都唔會隱瞞，冇需要呀，問到會講囉。
周麗淇：朋友嘅嘢我唔想講，呢啲係佢嘅私人事，總之佢哋OK就得。始終唔係開心事，心情多多少少受影響，不過佢（阿Sa）識得處理。其實有時唔講唔代表係講大話，大家包容吓。
陳爽：我最近同阿Sa拍戲，做佢貼身丫鬟，但完全睇唔到佢原來有咁大壓力，佢表現完全正常，原來佢咁高EQ，希望佢哋之後搵到自己幸福。