梁詠琪（GiGi）昨日以有機大使身份出席中環舉行的3.28全城有機減碳嘉年華，並即席品嚐有機早餐。GiGi表示有睇鄭中基及蔡卓妍宣佈離婚的記者會，她說：「我睇到好傷感，呢啲係經歷，每個人有佢嘅故事，希望快啲回復心情投入工作。」
「好同情佢哋」
問GiGi將來結婚會否公開？她說：「既然大家咁神通廣大，我結婚寧願公開，唔單止同傳媒交代，仲可以真正享受婚姻生活，收埋好可惜，重要係對得住自己，享受每一分每一秒，冇理由因為隱瞞犧牲呢個時候，好同情佢哋。」提到二人曾經講大話說未婚？GiGi說：「阿Sa講得啱，藝人好冇私隱，會尊重佢哋處理方法。」
採訪、攝影：溫敏芝