港鐵興建南港島線要喺豪宅區鋼線灣設卸泥口運走泥頭，薄扶林街坊群起反對，約100個居民噚日遊行抗議港鐵破壞居住環境同危害居民，要求港鐵撤回方案，研究喺海洋公園旁大樹灣設置卸泥口。匯賢智庫南區區議員陳岳鵬更SM式抗議，自縛兼塞住把口，寓意居民被大公司壓迫，無從反抗連聲都無得出。
陳岳鵬係80後，有80後抗爭方式，早排抗議港鐵已試過玩活埋，俾居民倒泥頭埋住自己，今次搞埋SM，如果港鐵仍然無動於衷，八方驚佢下次要見紅收場。佢話已在係區內屋苑收集咗近萬個反對簽名，包括碧瑤灣、貝沙灣、美景臺、港大宿舍同埋沙宣道居民。