【本報訊】「咁樣跳落去會嚇親細路哥o架！」一名患肺癌八旬老翁，疑因病厭世，昨晨攀出一條通往秀茂坪南邨的行人天橋，危坐壆邊企圖跳橋尋死。老翁不忍跳下時「砸死人」，高聲叫橋下正打籃球的少年離開。一名好心師奶途經見狀上前，一邊手執老翁衣領，一邊勸說：「你咁樣跳落去，死都死得冇尊嚴啦！」老翁聞言即被打動，由師奶與數名途人合力拉回安全位置，並送院檢查。 記者：張培生
憑着一顆愛心勇救跳橋翁的屋邨師奶自稱李太，家住秀茂坪南邨，她自言只是個家庭主婦，對於成功救回老翁一命，她直言：「我都唔知點o架，不過軟硬兼施囉！」
罹患肺癌飽受折磨
現場是寶達邨通往秀茂坪南邨秀旺樓的行人天橋，天橋高約五層樓，平日有不少居民來往。欲跳橋尋死的老翁姓劉（80歲），獨居秀茂坪寶達邨一單位。據悉，劉伯患有肺癌，近年飽受病魔折磨。昨晨11時許，頭髮花白的劉伯，逕自從寶達邨寓所行至該行人天橋。其間劉伯疑一時感觸萌生尋死念頭，突攀出四呎高鐵欄，危坐僅闊一呎的橋邊壆位，欲跳橋自盡。
當時橋底的休憩公園籃球場剛有三名少年打籃球，劉伯不忍墮下時「砸死人」，大聲叫少年：「走開呀，我要跳落嚟！」少年人聞聲抬頭一望，驚見劉伯危坐橋邊，即高聲喝止。
此際李太剛買完家庭用品，取道行人天橋回家，突然聽到一片嘈雜聲，急忙上前查看。李太驚見劉伯瑟縮蹲在壆位，險象環生，她毫不猶豫一手執住劉伯外套衣領，先以軟功打動：「咁樣跳落去會嚇親細路哥o架！」劉伯說：「係呀，我叫佢哋走o架！」其間劉伯向她透露患有肺癌，感到很痛、很辛苦。
李太動之以情：「咁樣跳落去，以後啲細路哥唔夠膽喺度打籃球，有陰影o架！」她又針對老人家要面子，對劉伯說：「你咁樣跳落去，死都死得冇尊嚴啦！係死都死喺張床度好啲啩！」
數名途人合力救人
劉伯聞言若有所思後即回心轉意，「佢（劉伯）諗諗吓話好似係喎，突然企起身，嚇到我死呀，以為佢跳落去，原來佢問我：『咁我家點上返嚟呀！』」幸好當時有數名年輕途人在場，李太與他們合力將劉伯拉回天橋。此時警員趕至了解事件，並陪同劉伯送院，劉伯無表面傷痕，警員沿途安慰他說：「放心，去到醫院會跟進。」
李太成功說服劉伯，全因自己也有切身之痛。原來李太的老父早年因肺癌去世，死時才78歲，離世前飽受癌魔折磨，「我爸爸早幾年都係肺癌走，所以我知道佢（劉伯）好慘囉。阿伯都好勇敢，佢肯聽我哋講返上嚟！」
師奶救跳橋病翁示意圖
