【上月旺友】中村俊輔重投日聯後，引起小旋風，而上場聯賽大勝川崎前鋒一仗，更加從禁區外遠射建功，被日本球迷投票為上周金球之一。
中村可唔可以憑一人之力，帶領橫濱水手爭奪今季日聯錦標，仲係言之尚早，尤其今個禮拜要作客，將會係重大考驗。不過，呢位日本國寶嘅號召力唔講得笑，除咗刺激水手主場嘅入座率之外，連客場比賽門票銷量都上升，好似今周對神戶勝利船，據講賽前預售門票已經達到18,000多張，比較上季水手到訪神戶時嘅預售門票數字多出一倍。
鹿島鹿角周中喺亞冠盃大勝，隊波仍然好順，主場對缺少射手長谷川悠嘅山形山神，信可贏兩球或以上。
文：戰鬥員A
讓球主客和：鹿島鹿角勝[-1]
心得：山神缺射手難入波
近5場往績：LWWWL