杜琪峯93年與周星馳合作拍攝電影《濟公》時曾鬧不和，阿杜更曾揚言跟星爺冇朋友做，但前晚記者卻見二人到銅鑼灣食飯飲酒，一個飯局，化解了星爺與阿杜17年恩怨。至於多年前一度疏離的陳奕迅（Eason）和謝霆鋒，亦於昨日凌晨到灣仔食消夜，飽肚後還站在街頭不捨離開。
杜琪峯和周星馳繼92年《審死官》後，翌年再合作拍攝《濟公》。不過，自《濟公》後，阿杜與星爺再沒合作，有傳因為阿杜不滿星爺如導演般意見多多而鬧翻。
相約飲紅酒釋前嫌
然而，世事無絕對，娛樂圈亦不會有永遠敵人，傳不和傳足17年的阿杜和星爺，前晚竟相約到銅鑼灣的daDomenico意大利餐廳食晚飯，二人邊嘆意大利菜邊飲紅酒，逗留至晚上10時30分才面紅紅的離開。記者問阿杜是否約了星爺傾合作時，阿杜說：「唔係，純粹食飯。」然後便登上七人車離開。大概5分鐘後，星爺亦拿着盛載住紅酒和蛋糕的紙袋離開，笑笑口的他未有回答記者問題。
昨日記者致電星爺，問是否與阿杜商討合作大計時，他說：「純粹食飯，大家好耐冇見。亞洲電影博覽嚟咗好多電影人，前晚我同馮小剛食飯，噚晚就同阿杜。」阿杜昨日也在電話中說只是食飯飲酒，不談公事。
此外，曾一度與陳奕迅疏離的謝霆鋒，前晚欣賞完Eason紅館個唱後，再與Eason等到灣仔食消夜。Eason與霆鋒逗留至凌晨一時許離開時，更攬頭攬頸，氣氛融洽。
Eason個唱千嬅獻花
至於早年曾與Eason傳緋聞的楊千嬅，前晚更到紅館獻花及被Eason屈唱《少女的祈禱》，Eason聽到場內觀眾大叫丁太時說：「唔好叫丁太，叫楊小姐佢開心啲o架！」千嬅聞言說：「唔怪得你聲沙，講咁多嘢。」
採訪、攝影：黃曉程、羅德光