尹志強離世個多月，其生前好友及女友米雪於今天在青衣運動場為他舉行追悼會。昨日米雪透露為準備今次追悼會，重尋昔日和尹佬的物品及回憶，言談間仍悲痛嗚咽，她坦承和尹佬相處已如夫妻，只是欠一張婚書而已。
尹志強上月中不敵病魔逝世，今天一班生前好友為他在青衣運動場舉行悼念會，米雪昨日接受商台電話訪問談及尹佬的事，堅強的她聲音帶點嗚咽。米雪感激無綫和亞視剪輯尹佬片段，而紀念冊構思是很多朋友都想以文字紀念好友，問到她近日健康狀況？米雪說：「之前幾頻撲同冇胃口我都堅持要食。」
「比一般人更恩愛」
提到寫悼念詞一事，米雪嗚咽地說：「呢啲想講好耐，喺文字帶出來。」文中引用《沁園春》古詞，她說：「拍咁耐戲墨水我冇，喺拍戲中學到詩詞，自己加改，表達我點掛念佢。」被指詩詞帶念亡夫之情，米雪表示：「我同佢只欠張紙，傳媒之前追問結婚未，係有衝動過，但唔需要，我哋有嗰種精神，比一般人更恩愛。」是次親手揀選跟尹佬恩愛合照，米雪坦言挑選時有很多回憶，她說：「最靚仔一張係佢回頭一望，如果大家聯想吓都有啲似（結婚照）。」悼念會後，米雪將到內地拍劇，並會堅持尹佬精神，繼續參與公益事。
帶南華波衫拍照
此外，米雪昨日到長沙灣出席楊盼盼開設的電影動作訓練創作室開幕活動，其他出席嘉賓還有鄭少秋、馮寶寶、元華、元秋、A.Lin及DaDa等。
米雪繼續穿上黑色素服，她透露仍要為尹佬追悼會開會，米雪說：「追悼會由兩點開始到5點，因為現場座位有限，得二千幾位，大家可以早啲到場，唔好帶花入場，帶個心嚟就得，因為個球場之後仲有球賽，唔想留低啲花影響到球場，又唔環保。我會帶一件有20幾年歷史，係尹佬以前效力南華時着過嘅波衫，到時畀大家影相留念，有人提議過我將件球衣拎出嚟拍賣，但我拒絕咗，因為唔捨得，自己留番嚟做紀念。」
另外，秋官被問到女兒欣宜稱很少機會和他見面，他表示間中有見也有通電話，但有時因工作太忙會影響見面時間。不過他否認對欣宜冷漠，只是因工作要周圍去，但之前每晚在《畢打自己人》看欣宜的演出，並提點她演戲要自然。
採訪：馬建華、魯萍
攝影：黃文成
