今年係鄧麗君逝世15周年，噚日石修（圖）、方伊琪、陳永鎬同單紫寧出席文化中心舉行嘅「紀念鄧麗君圖片展覽會」，大會安排鄧麗君嘅歌迷獻唱偶像名曲，多位嘉賓先後上台分享跟鄧麗君合作嘅往事。石修講番五年前演出鄧麗君舞台劇時，忍唔住喊出嚟，佢話好感受到歌迷對偶像懷念嘅感覺。嚟緊紀念音樂會，石修會唱兩首鄧麗君名曲作為紀念。