筆者雖然唔算得上電腦達人，不過互聯網流行嘅幾代搵人軟件，都有玩過，好似第1代嘅ICQ，有自我介紹功能，當年同學就成段歌詞放上去，扮有文采，不過竟然吸引到幾個「randomchat」飛來蜢。
家就好興「面書」，最近都透過面書搵番之前失去聯絡嘅中學同學，不過整整吓，面書嘅群組政治功能更有意義，之前已參加咗「我相信可以召集100,000個厭惡民建聯的人！」，剛剛又加入「強烈要求張宇人用時薪20元生活畀我哋睇！」
不過喺球場上，群眾力量未必及得上個人魅力，今周摩連奴就領國際米蘭作客羅馬，預咗被狼迷狂噓，不過以佢帶大賽經驗，平手盤撐得過。
文：牽牛
讓球：國際米蘭（平）
心得：摩連奴打大賽少失威
近5場往績：WWLLL