「教育界女王」羅范椒芬自從喺官場退咗落嚟之後，好耐冇喺香港見過佢，佢應朋友譚兆璋邀請，擔任「香港各界支持上海世博聯合會」主席，噚日佢同八方講，近一兩年佢冇放棄心愛嘅教育事業，在內地重慶搞緊教師培訓項目，不過返香港重出江湖就免嘞，佢話上次向政府申請做東華行政總監受阻，家樂得清閒，習慣咗過無事一身輕嘅閒雲野鶴生活，做校長、主席唔係佢杯茶，去學校講talk做mentor更啱佢。
羅太話自己係世博忠實fans，一定唔只去一次，已做定準備工夫plan好路線圖，好似英國館佢就話切忌日光日白去，因為個館夜晚會有特別燈光效果，夜晚欣賞charming好多咁話。