熊黛林最近升格搬大屋，住近郭富城附近的千呎豪宅，有指城城包起3萬幾元租金養她。熊黛林昨日表明自己付得起租，可以自己照顧自己，更為愛郎對女伴孤寒之說澄清，表示兩人出街吃飯從來由城城付錢，看來熊黛林真的很易滿足。
熊黛林、Angelababy（楊穎）兩師姊妹又孖住出擊搵錢，兩人昨日在中環出席BossBlack2010初秋系列發佈會，Baby穿上一身搶鏡紅裙，熊黛林則小露香肩。
食飯冇夾過錢
熊黛林近期被發現細屋搬大屋，更有指她的過千呎大坑豪宅，是由郭富城負責交3萬多元租。問到城城金屋藏嬌，她即說：「我自己收埋自己，我係搬咗，係由同一條街搬去街頭，係公司搵嘅，我自己畀錢租。」不是城城交租？她說：「畀得起，梗係自己畀啦，我一個人，single住，要獨立啲，我嚟香港咁多年，都係自己照顧自己。」
問到城城沒要求同居？熊黛林即一臉尷尬，含糊其辭說：「點會講呢啲嘢，無啦啦點會講搬啫。」
至於城城有否要求過一齊住，熊黛林繼續理直氣壯表示自己交租。有傳城城向來對女伴都非常孤寒，只捨得花錢買車，她說：「我答唔到你。」再追問她就說：「唔會啦。」又透露兩人食飯不用夾錢，自己從來沒出錢。
Baby擔正兩片
同場Baby則忙到額頭生粒粒，她指今年會有兩部新片，更會擔當主角，又謂最期望可以跟梁朝偉合作，她說：「因為佢有電眼，我要着防電嘅衫。」此外，Baby日前在上海為代言的年輕品牌2%行騷，同場還有日本模特兒今宿麻美。
採訪：JessicaNgan、FayeLam
攝影：ChenWaiOn