花旗股市前晚回吐，道指跌52點收市。
港股窄幅拉鋸幾日之後，噚日借勢下試50日線，恒指雖然跌咗230點收市，但係全日波幅狹窄，成交淡靜。期指結算臨近，大戶都係以轉倉為主，暫時唔會有大動作。
正股上升股數376隻，下跌710隻，氣氛偏淡，但仍有個別強勢股份炒作，可跟勢短炒。
華創C輪18573：華創（291）昨收28.90元，升5.2%。股價喺100日線整固咗3日，噚日大成交逆市炒上，升破10日線，上望34元，可以諗吓隻C輪18573。
隻輪現價60仙，2010年7月20日到期，行使價23.88元，溢價3.3%，引伸波幅50.9%，有效槓桿3.7倍，正股見34元，18573睇1.03元，正股跌穿27.30元，就沽咗隻輪止蝕。
俊樺