80後唔係一味關心買樓、保育、高鐵問題，有個80後喺美國加州理工學院做研究，同團隊合作首次證實嶄新抗癌技術得以喺人體實踐，為抗癌治療取得突破性發展，研究結果刊登在國際權威科學雜誌《自然》（Nature）。
考慮從事醫學研究
呢個80後就係2000年會考10優狀元蔡宗衡，佢後來去美國史丹福大學進修，取得化學工程學士同碩士學位，家係加州理工學院化學工程博士生，進行以納米粒子為基礎嘅抗癌技術研究。其論文導師加州理工學院化學工程系教授MarkDavis根據06年諾貝爾醫學獎得獎者AndrewFire同CraigMello喺98年發現嘅醫學原理，研究出將利用直徑約為70納米粒子將藥物傳送到癌細胞，蔡宗衡則同MarkDavis共同研發一種嶄新呈像（imaging）技術，成功偵測納米粒子在癌細胞內集結，證實納米粒子可以傳送藥物治癌。蔡宗衡係匯賢智庫理事，2011年畢業，考慮投身學術界從事醫學研究。