8模中的盧頌之（DaDa）與陳煦晴（HaileyC.）在恐怖片《惡胎》中分別扮演舞女與護士，習慣展示性感的兩人，自言不怕向性感角色挑戰，反而最擔心在拍攝前後遇上靈異怪事嚇餐飽。
新片《惡胎》講述飾演護士的周秀娜為搶奪已婚的黎諾懿，刻意令已懷孕的呂慧儀小產，引致身邊出現小鬼的懸疑靈異故事。o靚模盧頌之在戲中飾演一名舞女，衣着打扮性感，她指戲中帶有成人情節部份，但皆以意識上作交代，沒有刻意賣弄色情。
道具胎盤恐怖
DaDa說：「我與黎諾懿、邵美琪多啲對手戲，我係一個比較迷信嘅人，好在唔使同小鬼拍對手戲，因為見到佢哋化妝好恐怖，見佢哋拍一場戲仲攞個胎盤道具出嚟，用一個膠袋裝住，好嚇人。」
DaDa表示其中一場戲需去到郊區一間舊屋拍攝外景，當日雖然是下午，但該處陰森恐怖，她說：「當時自己一個人去洗手間，走到舊屋裏面嘅廁所，裏面好污糟，啱啱想離開嘅時候，發現廁所門反鎖咗，嗌咗好耐救命先至有同事入嚟幫我開門。」
約友掩眼觀看
HaileyC.在戲中與周秀娜一齊飾演護士，自命膽小的她，表示幸好其戲份皆沒有涉及鬼怪情節，她說：「拍呢齣戲時唔係好恐怖，自己有份拍一定會入場睇，不過如果太恐怖就可能約成班朋友，掩住眼嚟睇。」
採訪：張俊銘 攝影：陳慧安