楊千嬅和丁子高被踢爆秘密結婚後，雖然兩人未有同場出現過，卻經常隔空打情罵俏。前晚千嬅出席電影《志明與春嬌》首映禮，丁子高則現身時裝騷，丁子高自爆包了戲院六行座位請朋友欣賞老婆新作，當談到若看見千嬅和男演員的親熱戲，他直言會掩眼當睇鬼片冇眼睇。
楊千嬅和余文樂合演的新片《志明與春嬌》前晚在會展舉行首映禮，陸詩韻、吳彥祖和林海峰等均有出席。千嬅老公丁子高則現身尖沙嘴的Sportmax時裝騷，未有到首映撐老婆場。提到日前有雜誌登了兩人在網上的親密相，丁子高大方說：「係朋友介紹我玩，好多圈中人都有玩，GiGi（梁詠琪）教我玩嘅，估唔到我玩幾日就好多人add我。我放上網就預咗俾人睇，冇所謂，千嬅都知我放乜嘢相上去。」
千嬅得戚晒甜蜜
雖然丁子高未有到首映禮撐老婆，但就自爆如何支持她，丁子高說：「我聽晚包咗戲院六行座位請朋友去睇老婆套戲，睇吓佢同第二個男仔嘅感情戲，唔係同我會係點。」千嬅在片中有吸煙鏡頭，丁子高表示沒有所謂，若是激情咀戲又如何？他笑笑口說：「掩眼當係睇鬼戲，其實啲激烈親熱戲只要佢自己OK就得，不過佢都幾保守。」
千嬅被問到和老公的親密相很sweet，她大晒恩愛說：「我一出世就咁sweet。」提起前男友鄭中基被指為賤男，故被蔡卓妍飛掉，千嬅說：「咁敏感，我唔知喎，好驚，皮膚敏感搞到周身痕。外人真係唔應該批評，人哋講我嘅嘢都唔開心，所以我唔會講人。」
阿樂想公屋藏嬌
同場的阿樂被問到好友郭富城被指金屋藏Lynn（熊黛林），他封口護老友表示不知情，問到若他拍拖會否金屋藏嬌？阿樂笑說：「會o架，我好dry，dry到阿媽都唔認得，話我似話梅。如果我有拖拍，即刻送樓畀佢，寫女友同媽咪名，不過可能係Barbie屋或者公屋囉。」他又笑言見到千嬅和丁子高如此恩愛直情「眼火爆」。
採訪：溫敏芝
攝影：陳俊強