一向由陳志雲揸fit的無綫綜藝及資訊節目，昨日在陳志雲涉貪污案後於尖沙嘴TheMira酒店舉行盛大晒冷記者會，公佈無綫即將推出《荃加福祿壽》、《超級遊戲獎門人》和《千奇百趣香港地》等節目，出席藝人包括汪明荃、曾志偉、米雪、錢嘉樂和馬德鐘等。
反指亞視抄襲
無綫非戲劇製作總監何麗全昨日表示，目前所有工作均向集團總經理李寶安滙報，記者問大晒冷是否穩定軍心時，他雖然一方面否認，但另一方面又叫藝員放心，他說：「唔係穩定軍心！因為4月有好多新節目出街，藝員都唔需要擔心，節目都會一直進行！」阿姐希望大家不要聯想太多，她說：「唔好諗得咁複雜，家有咁多新節目要宣傳，唔通乜嘢都唔做咩，只係回復正常，我哋士氣冇影響。」對於《荃加福祿壽》有效法亞視的《香港亂噏》之嫌，阿姐說：「真係黐線o架，扮嘢節目向來都係由EYT（歡樂今宵）開始，邊個抄邊個好難講。」
本於內地工作的曾志偉昨被無綫急召回港宣傳，問可覺無綫近日負面新聞對藝人有一定影響，他說：「唔多唔少都會有，大家都會緊張咗，接嘢會小心啲。」
採訪：王崇穎
攝影：黃偉雄