周柏豪處男舞台劇前晚正式演出，台上台下他也艷福無邊，台下兩位緋聞女友薛凱琪及鍾浠文皆現身捧場，而台上柏豪則跟兩位女演員狂咀狂攬，三角關係中再加入袁偉豪，錯綜複雜，劇情更有激烈床戲，四人要在台上車輪式交叉濕吻，似乎有欠衞生。
周柏豪擔演的舞台劇《我不要被你記住》，前晚在上環文娛中心正式演出，圈中好友如方大同、楊思琦、黃長興、周家蔚及楊愛瑾等均來捧場，柏豪的兩位緋聞女友薛凱琪（Fiona）及鍾浠文（Zelia）亦不避嫌到場支持，記者要求柏豪和Zelia合照時兩人表現尷尬，他們的模特兒公司老闆鄒世龍叫兩人影相時鬼馬地說：「等佢同女朋友合照啦。」提到撐柏豪場，Zelia說：「我有叫佢畀飛我睇，但佢叫我自己買，最後公司有安排，唔使畀錢。」同場的Fiona則直認是柏豪邀請她的，看來柏豪對兩位緋聞女友有「大細超」之嫌。
袁偉豪底褲上陣
劇中講及時下男女的複雜愛情關係，除了柏豪外，還有袁偉豪及兩位女演員馬沛詩及賴芸芬演出，柏豪跟兩女有咀嘴戲份，而袁偉豪更只穿底褲上陣，跟穿胸圍內褲的馬沛詩有咀戲及床戲，令全場起哄，而四人在台上輪住咀似乎有欠衞生。
柏豪請食飯補數
完場後記者笑柏豪被袁偉豪搶晒鏡，他說：「佢哋嘅演出真係要好大勇氣，我好欣賞佢哋，因為真係好易走光。」柏豪聲言不介意只穿內褲演出，但必須要操弗身形，問他是否對身形很自豪？柏豪抵死說：「我係又長又粗……我係講我條腿同大髀。」而袁偉豪除了和兩女咀嘴外，又要同男演員咀，柏豪直言是劇情需要。問到要Zelia自己買門票捧場，柏豪即解釋：「佢買飛，我再請佢食飯，條數都喺番度。」
採訪、攝影：駱華齡
