李嘉欣一向愛晒命晒幸福，她前晚性感出席活動，揚言如廣告身價低於百萬酬金，寧願退休算數，更不介意拎私己錢送650萬名車給老公許晉亨，問到有沒有興趣買TheOne靚車牌，嘉欣更表明不稀罕。
李嘉欣前晚在海港城出席CitibankXSportmax活動，坐着大會安排的650萬絕版林寶堅尼MurcielagoLP640Roadster跑車到場，派頭十足，可惜她下車時卻險些洩春光。現場有理財書暗標拍賣，大會暗示許晉亨以3萬元投得支持愛妻。
不愛TheOne車牌
問到李嘉欣可想買650萬靚車？她即說：「我對車冇咁愛好，先生鍾意多啲。」會否批准他買？嘉欣說：「如果佢鍾意，都冇所謂，佢錫車多過錫老婆。我之前整花咗架車條軨，佢一眼就睇到，問我點解條路咁闊都刮花，佢緊張架車，都緊張我有冇受傷。」她笑言老公收藏不少靚車，當車是女友，令她有少少呷醋，問到有冇靚車牌？嘉欣即說：「佢收埋太多。」問嘉欣自己想要甚麼靚車牌？例如TheOne？她初時扮聽不到，之後才不情不願說：「聽講呢個車牌己經有人用，乜同一個車牌，可以有兩個人一齊擁有咩？」
學黎姿人工授孕
老公愛車，問她可會用私己錢買車老公？她說：「佢冇過問我有幾多私己錢，我啱啱問過經理人，一口氣幫我接咗6個廣告。」夠買650萬跑車？李嘉欣即繼續晒命說：「如果6個廣告先夠買呢架車，我就要退休囉。我唔孤寒人哋，但我同先生唔係建基在物質上。」她又謂考慮生仔，有需要更會效法黎姿人工授孕，但順其自然，她更謂今年工作多到要推兩部戲，所以今年內不打算生育。
採訪：梁錦雯 攝影：陳志嵐