由本港導演雲翔執導、本屆柏林影展參展電影《安非他命》，早前已通過香港電檢處審查，成為今屆香港國際電影節閉幕電影。當導演慶幸同志3級電影有出頭天，昨日電檢卻要求該片在公映時，需剪去部份鏡頭，令導演質疑電檢有雙重標準：「係咪電影節就有面畀可以上？」
除《歲月神偷》揚威柏林影展外，還有一部以同性及雙性戀為題材的港片《安非他命》，競逐同一影展的泰迪熊獎（TeddyAward），雖然該片未有獲獎，但就替醉心小眾電影的導演雲翔打入一支強心針，亦不枉前港姐梁敏儀在銀幕上的初次裸露。前日電影在送檢時被界定為3級之餘，當中一場男主角彭冠期遭輪流雞姦的場面不能通過，要求再剪送檢，令導演覺得電檢持雙重標準。
怪演員太逼真
雲翔接受訪問時說：「一早都諗住3級上冇問題，電影節之前亦已經送咗去電檢通過咗，一心諗住冇事，點知今日電檢處通知話嗰場雞姦戲要剪。同一個電檢處，同一套電影，你話呢啲係咪雙重標準，定係電檢對電影節比較寬鬆有面畀？」導演謂最難的地方是該片已經做好配樂及聲效，而且該場戲承接全套戲的情節，一剪電影就變得支離破碎。
雲翔無奈的說：「套戲已經排好喺4月8日上，呢一剪之後又要送檢。我同啲朋友講電檢啲人真係識睇戲，唔重要嗰場唔要我剪。」他解釋該場戲只是大特寫一些強姦及被姦者滿足及痛苦的表情，但就被電檢指為意識大膽，雲翔說：「怪就怪我啲演員演得太好同太逼真，又或者電檢班人覺得男人係唔會俾人強姦啦，事實呢啲係真實故事。」
雲翔表示已作最壞打算，必要時放棄在香港公映，他說：「雖然套戲拍咗六百萬，宣傳都用咗幾十萬，而且同戲院簽咗約，希望佢哋明白，唔係我唔想上。」他表示外國很尊重這類小眾電影，已排期在德國公映。
採訪：何永寧
人物誌：電影夢飛翔
雲翔原名鄭云翔，在廣州長大，約11歲才移民香港，13歲便開始打工幫補家計，曾任職數據輸入員和電腦程式員，94年考獲公開大學電腦學理學士學位，並曾任軟件集團「天時」的營運總裁。
自資拍同志片
為了實踐電影夢，04年雲翔由澳洲返港，自資拍攝同志題材的電影《無野之城》，與後來的《非法居留》及《安非他命》合稱為「極限三部曲」。
