《蘇絲黃的世界》主角關南施Nancy，噚日返母校Maryknoll。好多Maryknoll舊生話被斬鬼樹係集體回憶，但原來Nancy連棵樹喺邊都唔知，對於校方斬樹，佢冇乜反應。
鬼樹有70年歷史，Nancy年屆70，即係當年佢讀小學時，棵樹都係新種在校園冇幾多年，難怪佢個世界冇呢棵樹啦。Maryknoll出產唔少女星，包括李嘉欣同梁詠琪。Nancy係前輩，噚日好多發明星夢女生要求大師姐講吓入行捷徑，Nancy鼓勵學生勇於追求理想。學生Andrea聽完講座搵Nancy簽名留念，話會聽話努力讀書，希望父母支持佢做歌星嘅夢想。