黎明（Leon）主演的《火龍》前晚在灣仔會展舉行首映禮，Leon巧遇舊情人舒淇即成為焦點，卻不慎被普通話麻麻的李浩林搶去金句王的風頭，李浩林誤將「陰謀」說成「陰毛」，笑爆全場。幸好Leon發揮其玄妙理論，自揭演員最驚三問，妙問妙答令人嘆為觀止。
由林超賢導演、黎明、任賢齊、徐若瑄等主演的寰亞新片《火龍》，前晚在灣仔會展舉行首映禮，眾人在首映前先出席寰亞2010年的電影巡禮，Leon與舊情人舒淇繼在寰亞春茗時同台碰杯後，前晚再同場，但二人上台時各據一方，毫無交流，明顯互相迴避。
「演員怕三問」
而到Leon、小齊等上台介紹《火龍》時，Leon不停以簡單英語回答主持李浩林的問題，台下的莊文強大叫：「唔好玩嘢啦。」Leon表示是大會要求他以英語或普通話回答問題的，因現場有很多外地片商。後來李浩林以普通話問小齊：「你的角色在戲中是有陰毛的。」徐若瑄即指着李浩林狂笑，小齊也大笑說：「我相信這裏大部份人都會有，我相信你是想問我是否有陰謀吧。」李浩林尷尬說自己普通話說得不好，後來錢嘉樂上台也取笑他說：「我用廣東話講啦，唔係我啲陰毛會走晒出嚟o架。」
及後Leon一身酒氣接受訪問時被問到對電影是否有信心時，「金句王」即時大講其玄妙理論，並說：「演員最驚三個問題，一就係問票房有冇信心，呢啲我控制唔到，二係問你做得好唔好，因為我唔係做畀自己睇，三就係拍時有乜趣事，拍戲係認真嘅事，點會有趣事呢。」
提樂基兒封嘴
當提到愛妻樂基兒會否捧場時，Leon即拒絕回答，令在場人士鴉雀無聲，他即打圓場說：「對唔住，我都知，對住咁多鏡頭，家都係鴉雀無聲。」他提到當日拍攝《火龍》時被一名為爭取民主的派傳單人士影響拍攝，他笑言派傳單人士十分不專業，叫得很求其，他說：「我爬到咁高拍戲好專業，佢好唔專業，係唔係錢太少，所以冇乜力叫，呢個議題咁嚴肅，點解咁求其講呢。」
採訪：張俊銘、藍文浩
攝影：黃偉雄
